«ҰЛТТЫҚ БАЛАЛАРДЫ ОҢАЛТУ ОРТАЛЫҒЫ» КеАҚ-қа КВОТА АЛУ ТӘРТІБІ

Пациенттерді «Ұлттық балаларды оңалту орталығы» КеАҚ емдеуге жатқызуды ұйымдастырумен (кезек бойынша жолдама беру, порталға қою, квота беру) облыстық денсаулық сақтау басқармалары айналысады.

1. МСАК медициналық ұйымы (бұдан әрі - Емхана) «Ұлттық балаларды оңалту орталығы» КеАҚ (бұдан әрі - ҰБОО) жағдайында оңалту емін қажет ететін диагнозы бар, динамикалық бақылаудағы балаларды ҰБОО-да оңалту емін алу үшін Пациенттер тізіміне (кезегі бойынша) енгізеді.
2. Емхана ай сайын Денсаулық сақтау басқармасына (бұдан әрі - ДСБ) ҰБОО жағдайында оңалту емін алу үшін жіберілетін пациенттердің тізімін беріп отырады.
3. ДСБ ҰБОО-да ай сайын бөлінетін орын санын, оларды кезектілігін, Емханада тіркелген балалардың санын (емхананың қуатын) ескере отырып, квотаны бөледі.
4. Емхана Квотаны алғаннан кейін ДСБ танысуы үшін пациенттің амбулаториялық картасынан үзінді-көшірме (ф.052/у) дайындайды.
5. ДСБ пациенттердің жалпы тізімі мен карталарының үзіндісін келісу үшін ҰБОО поштасына жолдайды.
6. Тізім ҰБОО-мен келісілгеннен кейін, ДСБ Балалардың тізімін Емдеуге жатқыру бюросы порталына енгізеді, емдеуге жатқызу үшін Емханаларға жолдама береді, Емханалар жолдама бойынша балаларды ҰБОО-ға оңалту емін алуға жібереді.
7. ДСБ оңалту емін алу үшін жіберген балаларды ҰБОО тізім бойынша қабылдайды.