Бүгін Ұлттық балаларды оңалту орталығында Ұстаздар күніне орай дәрігерлер мен мейіргерлер педагогтарға ерекше сый жасады – мерекелік концерт ұйымдастырды.

Орталық ұжымы үшін оңалту тек медициналық ем-шаралармен шектелмейді. Балалардың дамуына педагогикалық түзетудің қосатын үлесі орасан зор.

«Баланы жалпы мектепте оқыту – бір бөлек, ал біздің орталықтағы педагог болу – әлдеқайда күрделі әрі жауапты іс», – деп атап өтті ұйымдастырушылар.

Орталық ұжымы ұстаздарға алғыс білдіріп, әр баланың болашағы үшін жасаған еңбектерін жоғары бағалады:

«Біз сіздердің еңбектеріңізді бағалаймыз, әрбір баланың болашағына қосқан үлестеріңізді қадірлейміз. Сіздерге мықты денсаулық, қажымас жігер, шығармашылық табыс пен еңбектеріңіздің жемісін көруді тілейміз!»

Ұстаздар күні құтты болсын!