«Ұлттық балаларды оңалту орталығы» 

Оңалту кімге керек?

Оңалту емі жүйке жүйесі аурулары немесе жарақат салдарынан туындаған физикалық, сөйлеу, когнитивтік немесе психикалық-эмоциялық дамуында бұзылыстар байқалған жағдайда қажет.

Егер балаңызда:

• сөйлеу, қимыл-қозғалыс немесе өз-өзіне қызмет көрсету дағдыларының дамуы кешеуілдесе;
• қимыл-қозғалыс кезінде, жүргенде үйлесімділікті, тепе-теңдікті сақтауда қиналса;
• аяқ-қолы әлсіз, бұлшықет тонусы төмен болса немесе керісінше, шамадан тыс тырысуы байқалса;
• есту қабілеті бұзылса, психоэмоционалдық жағдайы немесе мінез-құлқында ауытқу байқалса;
• бассүйек-ми немесе жұлын жарақаттары салдарынан, сондай-ақ туа біткен патологиялары болса, невропатологқа немесе тиісті бейіндегі басқа маманға қаралуы қажет.

Қарап-тексеріп, диагнозын анықтағаннан кейін дәрігер баланың жағдайына байланысты оңалту курсын тағайындауы мүмкін. Оңалтуды уақытылы бастау — баланың жағдайын жақсартып, дамуын қолдауға үлкен мүмкіндік береді.

Орталықтың бөлімшелерінде 0 жастан 18 жасқа дейінгі балаларға келесі неврологиялық патологиялар бойынша кешенді оңалту көмегі көрсетіледі:

• Сал ауруы (церебралды паралич)
• Бассүйек ішіндегі жарақат салдары
• Жұлын жарақаттының салдары
• Аяқ-қол нервтерінің жарақаттан кейінгі бұзылыстары
• Жекелеген нервтердің, нерв түбіршектері мен өрімдерін зақымдануы, полинейропатия
• Орталық жүйке жүйесінің қабыну ауруларынан кейінгі жағдайлар
• Салдану синдромы
• Ми қанайналымы бұзылуының салдары
• Жүйке жүйесінің туа біткен ақаулары
• Сөйлеу мен тіл дамуының басқа бұзылыстары
• Психологиялық дамудың бұзылыстары
• Аутизм спектрінің бұзылыстары
• Нейросенсорлық мүкістік, кохлеарлы имплантациядан кейінгі жай-күй
• Даун ауруы
• Жүйке-бұлшықет синапсы мен бұлшықет аурулары

Баланы госпитализациялауға қарсы көрсетілімдер тізімі:

• Әртүрлі шығу тегі жиі қайталанатын немесе ауыр қан кету.
• Гемоглобин деңгейі 80 г/л төмен ауыр анемия.
• Жалпыланған, жиі қайталанатын әртүрлі этиологиялы ұстамалар (соңғы 6 ай ішінде).
• Жедел жұқпалы аурулар.
• Туберкулездің барлық түрлерінің белсенді кезеңі (А 15,0-1, А 15,5, А15,7-9).
• Қатерлі ісіктер (3-4 кезең).
• 3 градустан жоғары тыныс жетіспеушілігі.
• Белгісіз фебрильді немесе субфебрильді қызба.
• Күрделі ауыр қатар жүретін аурулардың болуы (соның ішінде 3 дәрежелі ақуыз-энергетикалық жеткіліксіз тамақтану).
• Декомпенсация сатысындағы аурулар, соның ішінде түзетілмейтін метаболикалық аурулар (қант диабеті, микседема, тиреотоксикоз және т.б.).
• Терінің іріңді аурулары, жұқпалы тері аурулары (қышыма, саңырауқұлақ аурулары және т.б.), трофикалық өзгерістер (төсек жаралары).
• 2 және одан жоғары сатыдағы ревматикалық процестің белсенділігі, гормондық терапияның болуы.
• Анкилоз және тұрақты қайтымсыз контрактуралар.
• Тұлғаның әлеуметтенуі бар психикалық аурулар (F00; F02; F03; F05; F10; F29; F63; 70; 79).
• Вегетативті күй, апаллық синдром.
• Күніне 2-3 сағат оңалту бағдарламасына белсенді қатысуға кедергі болатын басқа қатар жүретін аурулар болған кезде.

Ескертулер:

• вегетативті күйдегі науқастарға паллиативтік көмек көрсету қызметі тағайындалады. Оңалту әлеуеті туындаған жағдайларда пациенттер халықаралық критерийлерге сәйкес медициналық оңалтудың тиісті сатыларына жіберіледі.
• психикалық денсаулық орталықтарына өзіне және айналасындағыларға агрессивті эмоционалдық және мінез-құлық бұзылыстары диагнозы қойылған науқастар жіберіледі.

Күтушілерді госпитализациялауға қарсы көрсетілімдер тізімі:

• 21 аптадан асқан жүктілік.
• Жедел аурулар.
• Жедел кезеңдегі созылмалы аурулар (қант диабеті, артериялық гипертензия, тиреотоксикоз және т.б.).
• Тәрбиешінің жасы 60 жастан жоғары.
• Психикалық ауру.
• Терінің іріңді аурулары, жұқпалы тері аурулары (қышыма, саңырауқұлақ аурулары және т.б.).
• Жиі ұстамалары бар эпилепсия.

Ескерту

Ілеспе адам маусымға сай аяқ киіммен және киіммен, сырғанамайтын аяқ киімді ауыстырумен (жабық), спорттық киіммен, гигиеналық керек-жарақтармен қамтамасыз етілуі керек.