8 қыркүйек – Дүниежүзілік реабилитолог күні. Осы кәсіби мерекеге орай Ұлттық балаларды оңалту орталығында оңалту саласының мамандарына арналған мерекелік іс-шара өтті.
Реабилитологтар – ерекше қажеттілігі бар балалардың қозғалыс мүмкіндігін арттыруға, жаңа дағдыларды қалыптастыруға және күнделікті өмірге бейімделуіне ықпал ететін маңызды мамандар. Олардың еңбегі кәсіби білім мен тәжірибені ғана емес, әр баланың мүмкіндігіне сенуді, шыдамдылықты және жоғары жауапкершілікті талап етеді.
Толығырақ...
Ұлттық балаларды оңалту орталығы Шэньси провинциясының (ҚХР) ресми делегациясын қабылдады
- Қаралды: 49
Ұлттық балаларды оңалту орталығы Шэньси провинциясының (ҚХР) ресми делегациясын қабылдады. Орталығымызға Сиань, Баоцзи және Тунчуань қалаларының Мүгедектер федерациясы мен оңалту клиникаларының басшылары келді. Делегацияны көпжылдық серіктесіміз — Сиань дәстүрлі қытай медицинасы ауруханасының директоры Сун Хуцзе мырза бастап келді.
Сапардың басты мақсаты — балаларды оңалту саласындағы халықаралық ынтымақтастықты дамыту және тәжірибе алмасу. Қонақтарды Басқарма төрағасы Ажар Ғиният қарсы алып, оларды орталықтағы кешенді оңалту жүйесімен және ерекше балаларға көмек көрсетудің барлық кезеңдерімен таныстырды.
Ұлттық балаларды оңалту орталығында 9-шы оңалту айналымының жабылуына орай балалар мен ата-аналар үшін ерекше әрі әсерлі кездесу ұйымдастырылды.
Астанада гастрольдік сапармен жүрген Ақтөбе облыстық «Алақай» балалар қуыршақ театры Орталыққа арнайы келіп, бүлдіршіндерге инклюзивті иммерсивті «Жыл мезгілдері» қойылымын ұсынды.
Театр ұжымының Орталыққа келуі ынтымақтастық туралы меморандум аясында «СРОД» РҚБ-нің қолдауымен жүзеге асты.
Ұлттық балаларды оңалту орталығының Басқарма төрағасы Ажар Ғиният медициналық мәселелер жөніндегі орынбасары Айгүл Тулебайқызымен бірге Приозерск қаласындағы «Балқаш» емдеу-сауықтыру кешеніне жұмыс сапарымен барды.
Сапардың негізгі мақсаты – ерекше балаларға көрсетілетін оңалту қызметтерінің мүмкіндіктерін кеңейту және өңірдегі медициналық-сауықтыру әлеуетін тиімді пайдалану бағыттарын талқылау.
Сапар барысында Ұлттық балаларды оңалту орталығының өкілдері «Балқаш» емдеу-сауықтыру кешенінің медициналық базасы мен инфрақұрылымымен танысты. Кешен санаторлық-курорттық емдеуден бастап медициналық оңалтуға дейінгі қызметтерді көрсетеді.
Бүгін Ұлттық балаларды оңалту орталығына Қытайдың «Халықаралық кәсіпкерлердің коммуникация орталығы» (华商国际传播中心) түсірілім тобы келді.
Түсірілім «Road to the West: Ұлы Батыс жолы» атты көптілді шағын деректі фильм аясында ұйымдастырылды. Жоба дәстүрлі қытай медицинасының халықаралық деңгейде дамуы мен Қазақстандағы тәжірибесін таныстыруға арналған.
Фильмде Ұлттық балаларды оңалту орталығындағы Дәстүрлі қытай медицинасы кабинетінің жұмысы, мамандардың күнделікті қызметі, дәрігерлер арасындағы тәжірибе алмасу және пациенттерге көрсетілетін оңалту көмегі көрініс табады.
