Ұлттық балаларды оңалту орталығы

 
Сізді кіреберісі ыңғайлы әрі жасыл желекке оранған Орталық ғимараты қарсы алады. Мұнда қауіпсіздік пен жайлылық үшін барлық жағдай жасалған. Есіктен енген сәттен-ақ  бұл жерде балаларға ғана емес, ата-аналарға да қолдау көрсетілетінін сезіне бастайсыз.

Холл арқылы тіркеу бөліміне өтесіз. Мұнда әкімші қызметкерлері Сізді күлімдеп қарсы алады, сұрақтарыңызға жауап береді, орналасу тәртібін және алда не күтіп тұрғанын түсіндіреді.

Орталықтың барлық аумағында орнатылған айқын көрсеткіштер арқылы қажетті бөлімшені немесе ойын аймағын оңай таба аласыз.
 

Біздің Орталықта 6 бөлімше бар — олардың әрқайсысы баланың жасына және даму ерекшелігіне сай ұйымдастырылған:

• «Бөбек» — 0 жастан 2 жасқа дейінгі балалар;
• «Қадам» — 2-ден 5 жасқа дейінгі балалар;
• «Болашақ» — 5-8 жас аралығындағы балалар;
• «Ақжол» — 8-ден 12 жасқа дейінгі балалар;
• «Балбұлақ» — 12-18 жас аралығындағы жасөспірімдер;
• «Қамқор» — түрлі жастағы балаларға арналған бөлім. Мұнда психикалық-сөйлеу дамуы кешеуілдеген балалар, аутизм, Даун синдромы диагноздары бар балалар, сондай-ақ нейросенсорлық есту қабілеті бұзылған, кохлеарлы имплантациядан немесе есту аппаратын орнатқаннан кейін оңалтудан өтіп жатқан балалар ем алады.

Әр бөлімде екі орынды жайлы палаталар бар. Мұнда бәрі қарастырылған: ыңғайлы кереует, тоңазытқыш, жеке санитарлық торап, жеке заттарды сақтайтын орын. Анасы баласымен бірге палатада қалатын болса, қосымша төсекпен қамтамасыз етіледі. Мұнда сіздің басты нәрсеге – оңалту үдерісі барысында балаңыздың күтіміне көңіл бөлуіңіз үшін бәрі ойластырылған.

Әр бөлімде кезекші қызметкерлер бар, кез келген уақытта олардан көмек сұрай аласыз.

Орталықтағы оңалту шараларын жүргізетін дәрігер, мейіргер, психолог және педагог мамандардың — барлығының ерекше балалармен жұмыс істеу тәжірибесі бар және олар ісіне шынайы жанашырлықпен қарайды. Олармен «Мамандар» бөлімінде таныса аласыз.

Бұл бөлімде балаңыз келесі емшараларды ала алады:

Бұл емшаралар баланың ағзасын жалпы нығайтуға, жарақаттан кейін қалпына келтіруге, зақымдалған аймақтарын ынталандыруға, қан және лимфа айналымын, тепе-теңдікті, тыныс алу мен жалпы жағдайын жақсартуға бағытталған.

Бұл зертханада озық технологиялар мен жеке-дара тәсілдер біріктірілген жаттығулар өткізіледі:

Бұл әдістер қозғалыс функцияларын қалпына келтіруге, тепе-теңдікті, жүрісті және моториканы жақсартуға көмектеседі. Сабақтар мамандардың бақылауымен және жетістіктерін қадағалау мүмкіндігімен ойын түрінде өтеді.

Көптеген емшаралар балаларға да, ересектерге де қолжетімді. Қызметтердің толық тізімі мен бағаларын прайстан көре аласыз немесе тіркеу бөліміне хабарласыңыз:

+7 708 503 65 73.

Whatsapp +7 700 753 03 09

Мамандар жеке өлшемдер бойынша ортез, корсет, ұлтарақ жасайды. Қажет болған жағдайда ескі бұйымдарға реставрация жасайды. Бұл да маңызды бағыт, біз жұмыстың сапасы мен дәлдігіне мақтана аламыз.

Көрсетілетін қызмет түрлерінің тізімімен «Ақылы қызметтер» бөлімінен таныса аласыз.

Біз баланың тек физикалық тұрғыда қалпына келуіне ғана емес, сонымен қатар психологиялық-әлеуметтік дамуына да көп көңіл бөлеміз.

 

Орталықта әлеуметтік-педагогикалық түзету басқармасы бар. Онда мынадай мамандар жұмыс істейді:

• Логопедтер;
• Дефектологтар;
• Ойын терапевтері;
• Еңбек терапевтері;
• Агротерапевтер;
• Музыкатерапевтер;
• Эрготерапевтер;
• Психологтар;
• Педагогтар (Монтессори-педагог және инклюзия мектебі мұғалімдері).

Мамандар жоғары білікті, ерекше қажеттілігі бар балалармен жұмыс істеуде тәжірибесі мол. Олар сезімталдықпен әр баланың жүрегіне жол таба біледі.  

Орталықта балаларға арналған шаштараз және тігін цехы бар, бұл жерде балалар тұрмыстық жағдайға бейімделуді үйренеді және жаңа дағдыларды меңгереді.

Кейбір қызметтер ересектерге де қолжетімді. Толық тізімді «Ақылы қызметтер» бөлімінен көруге болады.

Оқу сыныбы

Мектеп жасындағы балалар үшін арнайы жабдықталған оқу сыныбы бар, онда интерактивті тақта, компьютерлер бар, оқуға қажетті барлық жағдай жасалған.
 

Балалар автодромы 

Орталықта ерекше автодром бар — мұнда балалар ойын түрінде жолда жүру ережесімен танысады, жолдағы қауіпсіздік туралы үйренеді.

Орталықта оңалтудан өтетін барлық балалар тегін тамақпен қамтамасыз етіледі. Мәзір мамандардың қатысуымен құрастырылады және баланың жас ерекшелігіне сай жасалады. Тағамдар  - құнарлы, теңгерімді, ең бастысы, дәмді. Біз тамақтың бала денсаулығын нығайтуға, тезірек қалпына келуіне ықпал етуі үшін бар жағдайды жасаймыз.

Оңалту дегеніміз — емшара мен сабақ қана емес, сонымен қатар баланың өзін жайлы, көңілді және қауіпсіз сезіну мүмкіндігі.
 

 

Орталықта:

- балалар әдебиеті, дамытушы кітаптар қоры бар кітапхана;
- балалар мен ата-аналарға арналған тынығу аймақтары бар. 

Бұлардың бәрі — баланың жақсылап демалып, күш жинап алуына және жай ғана бала болып ойнауына мүмкіндік беретін кеңістік.