Орталыққа саяхат

ҚОШ КЕЛДІҢІЗДЕР

«Ұлттық балаларды оңалту орталығына»!”

Әр ата-ана үшін баласы ем алып, оңалтудан өтетін орынның сенімді болғаны аса маңызды. Сол себепті Сіздер үшін Орталығымызға ашық әрі көрнекі түрде шолу жасауды жөн көрдік. Виртуалды саяхатқа қосылып, бізде қауіпсіз, жайлы және шынайы қамқорлық бар екеніне көз жеткізіңіз.

Алғашқы танысу

Сізді кіреберісі ыңғайлы әрі жасыл желекке оранған Орталық ғимараты қарсы алады. Мұнда қауіпсіздік пен жайлылық үшін барлық жағдай жасалған. Есіктен енген сәттен-ақ бұл жерде балаларға ғана емес, ата-аналарға да қолдау көрсетілетінін сезіне бастайсыз.

Холл арқылы тіркеу бөліміне өтесіз. Мұнда әкімші қызметкерлері Сізді күлімдеп қарсы алады, сұрақтарыңызға жауап береді, орналасу тәртібін және алда не күтіп тұрғанын түсіндіреді.

Орталықтың барлық аумағында орнатылған айқын көрсеткіштер арқылы қажетті бөлімшені немесе ойын аймағын оңай таба аласыз.

Пациенттер қайда тұрады?

Біздің Орталықта 6 бөлімше бар — олардың әрқайсысы баланың жасына және даму ерекшелігіне сай ұйымдастырылған:

«Бөбек» — 0 жастан 2 жасқа дейінгі балалар;
«Қадам» — 2-ден 5 жасқа дейінгі балалар;
«Болашақ» — 5-8 жас аралығындағы балалар;
«Ақжол» — 8-ден 12 жасқа дейінгі балалар;
«Балбұлақ» — 12-18 жас аралығындағы жасөспірімдер;
«Қамқор» — түрлі жастағы балаларға арналған бөлім. Мұнда психикалық-сөйлеу дамуы кешеуілдеген балалар, аутизм, Даун синдромы диагноздары бар балалар, сондай-ақ нейросенсорлық есту қабілеті бұзылған, кохлеарлы имплантациядан немесе есту аппаратын орнатқаннан кейін оңалтудан өтіп жатқан балалар ем алады.

Әр бөлімде екі орынды жайлы палаталар бар. Мұнда бәрі қарастырылған: ыңғайлы кереует, тоңазытқыш, жеке санитарлық торап, жеке заттарды сақтайтын орын. Анасы баласымен бірге палатада қалатын болса, қосымша төсекпен қамтамасыз етіледі. Мұнда сіздің басты нәрсеге – оңалту үдерісі барысында балаңыздың күтіміне көңіл бөлуіңіз үшін бәрі ойластырылған.

Әр бөлімде кезекші қызметкерлер бар, кез келген уақытта олардан көмек сұрай аласыз.

Орталықтағы оңалту шараларын жүргізетін дәрігер, мейіргер, психолог және педагог мамандардың — барлығының ерекше балалармен жұмыс істеу тәжірибесі бар және олар ісіне шынайы жанашырлықпен қарайды. Олармен «Мамандар» бөлімінде таныса аласыз.

Көмектесетін емшаралар

Оңалту шаралары әр баланың жеке қажеттілігіне сай тиімді әрі қауіпсіз өтуі үшін Орталығымыз заманауи құрылғылармен жабдықталған. Әр әдістің өзіндік мақсаты мен әсері болатындықтан, біз жұмыс бағыттарын жеке бөліп көрсетеміз.

Физикалық медицина және оңалту бөлімі

Бұл бөлімде балаңыз келесі емшараларды ала алады:

- шарко душы;
- інжу және тұзды ванналар;
- ультрадыбыстық терапия;
- суасты душ-массажы;
- тұзды бөлмеге бару;
- инструктормен бассейнде жаттығу (3 бассейн, соның ішінде сәбилерге арналған шағын бассейн бар);
- жеке және топтық емдік дене шынықтыру (ЕДШ) сабақтары;
- жалпы, жергілікті және нүктелі массаж;
- оттекті коктейль;
- электрмен емдеу (импульстік ток, индуктотермия, магнит терапиясы, электрмен ұйықтату);
- транскраниалдық магниттік стимуляция (ТМС);
- биоптрон-терапия;
- жылу және балшықпен емдеу;
- ингаляция.

Бұл емшаралар баланың ағзасын жалпы нығайтуға, жарақаттан кейін қалпына келтіруге, зақымдалған аймақтарын ынталандыруға, қан және лимфа айналымын, тепе-теңдікті, тыныс алу мен жалпы жағдайын жақсартуға бағытталған.

Роботтандырылған оңалту зертханасы

Ортездеу және модельдеу зертханасы

Дамыту және оқыту

Біз баланың тек физикалық тұрғыда қалпына келуіне ғана емес, сонымен қатар психологиялық-әлеуметтік дамуына да көп көңіл бөлеміз.

Орталықта әлеуметтік-педагогикалық түзету басқармасы бар. Онда мынадай мамандар жұмыс істейді:

Логопедтер;
Дефектологтар;
Ойын терапевтері;
Еңбек терапевтері;
Агротерапевтер;
Музыкатерапевтер;
Эрготерапевтер;
Психологтар;
Педагогтар (Монтессори-педагог және инклюзия мектебі мұғалімдері).

Мамандар жоғары білікті, ерекше қажеттілігі бар балалармен жұмыс істеуде тәжірибесі мол. Олар сезімталдықпен әр баланың жүрегіне жол таба біледі.

Орталықта балаларға арналған шаштараз және тігін цехы бар, бұл жерде балалар тұрмыстық жағдайға бейімделуді үйренеді және жаңа дағдыларды меңгереді.

Кейбір қызметтер ересектерге де қолжетімді. Толық тізімді «Ақылы қызметтер» бөлімінен көруге болады.

Оқу сыныбы

Мектеп жасындағы балалар үшін арнайы жабдықталған оқу сыныбы бар, онда интерактивті тақта, компьютерлер бар, оқуға қажетті барлық жағдай жасалған.

Балалар автодромы