Бүгін орталығымызда жыл соңындағы соңғы айналымның жабылуына арналған мерекелік концерт өтті. Іс-шараның мақсаты – балаларға Жаңа жылдық көтеріңкі көңіл күй сыйлау.

Концерт барысында педагогтар мен мейірбикелер ерекше балаларға арнап арнайы шоу-бағдарлама ұсынды. Ән мен би, қызықты қойылымдар балалардың көңілінен шығып, мерекелік атмосфера қалыптастырды.

Сонымен қатар мерекелік кештің арнайы қонағы – Қазақстан эстрадасының жарық жұлдызы Төреғали Төреәлі болды. Танымал әншінің орындауындағы әндер көрермендерге ерекше әсер сыйлап, концерттің мазмұнын байыта түсті.

Балалардың жүзіндегі шынайы қуаныш пен күлкі – ұжым үшін ең үлкен марапат.

Келе жатқан Жаңа жыл құтты болсын!