Ұлттық балаларды оңалту орталығы

Бүгін Қазақстан Республикасында 2025–2027 жылдарға арналған «Сәтті бастау» бағдарламасы аясында ерте жастағы балаларды дамыту және ерте араласу жүйесін жүзеге асыру жөніндегі бірлескен іс-шаралар жоспарының, сондай-ақ 2026–2030 жылдарға арналған «Қазақстан балалары» тұжырымдамасының алғашқы ұйымдастыру кездесуі өтті. Бұл іс-шара ерте жастағы балаларды қолдаудың тұрақты, ғылыми негізделген және отбасына бағдарланған жүйесін қалыптастыруға бағытталған кешенді әрі ұзақ мерзімді ведомствоаралық жұмыстың ресми бастамасы болды.

Бүгін Қазақстан Республикасында 2025–2027 жылдарға арналған «Сәтті бастау» бағдарламасы аясында ерте жастағы балаларды дамыту және ерте араласу жүйесін жүзеге асыру жөніндегі бірлескен іс-шаралар жоспарының, сондай-ақ 2026–2030 жылдарға арналған «Қазақстан балалары» тұжырымдамасының алғашқы ұйымдастыру кездесуі өтті. Бұл іс-шара ерте жастағы балаларды қолдаудың тұрақты, ғылыми негізделген және отбасына бағдарланған жүйесін қалыптастыруға бағытталған кешенді әрі ұзақ мерзімді ведомствоаралық жұмыстың ресми бастамасы болды.

Кездесуге Қазақстан Республикасының денсаулық сақтау, білім беру, еңбек және халықты әлеуметтік қорғау министрліктерінің, сондай-ақ БҰҰ Балалар қоры (ЮНИСЕФ), «Ұлттық балаларды оңалту орталығы» КеАҚ, Астана қаласындағы «Асыл Мирас» Аутизм орталығы, Болат Өтемұратов қоры және халықаралық серіктестердің өкілдері қатысты. Мұндай формат ерте балалық шақтың мемлекеттік саясаттың басымдығы ретіндегі стратегиялық рөлін және барлық мүдделі тараптардың үйлескен іс-қимылының маңыздылығын айқындады.

Шараға ерте араласу, балалардың дамуы және отбасына бағдарланған тәжірибе саласындағы әлемдік деңгейдегі жетекші халықаралық сарапшылардың қатысуы оның маңыздылығын арттырды.

Олардың ішінде:

Жозе Боавида (Jose Boavida), MD (Португалия), нейродаму және мінез-құлық педиатриясы саласында 36 жылдан астам тәжірибесі бар педиатр, Португалиядағы ерте араласу жүйесінің негізін қалаушылардың бірі және SNIPI ұлттық моделінің қосалқы авторы. Ол ерте араласу жөніндегі заңнаманы әзірлеуге айтарлықтай үлес қосты және БҰҰ Балалар қоры мен Еуропалық Одақ жобаларын Шығыс Еуропа мен Орталық Азия елдерінде кеңесші ретінде қолдады.

Ана Серрано (Ana Serrano), PhD (Португалия) — арнайы білім беру және ерте араласу саласында танымал сарапшы, Еуропалық ерте араласу қауымдастығының (EURLYAID) төрайымы, көптеген жылдар бойы академиялық жетекші және ЮНИСЕФ кеңесшісі, кәсіби стандарттарды дамытуға және мамандарды даярлауға белсенді қатысады.

Нур ван Лоэн (Noor van Loen, Нидерланды) — әлеуметтік жұмыс саласының маманы және ата-аналардың өкіл ретінде беделді сарапшы, EURLYAID басқармасының мүшесі. Ол өз қызметінде отбасылардың ерте араласу қызметін қалыптастыруға қатысуын және балалар мен ата-аналардың құқығын қорғауды ұлттық және халықаралық деңгейде тұрақты түрде насихаттайды.

Мэрилин Эспи-Шервиндт (Marilyn Espe-Sherwindt), PhD (АҚШ) — 40 жылдан астам тәжірибесі бар EURLYAID консультанты, отбасына бағдарланған және интерпәндік тәсілдер бойынша сарапшы, UNICEF ECARO техникалық кеңесші тобының мүшесі және Шығыс Еуропа мен Орталық Азия елдеріндегі ерте араласу жүйелерін дамытуға қатысушы.

Кездесу барысында «Сәтті бастау» жоспарының негізгі бағыттары таныстырылып, ерте араласудың халықаралық модельдері, ведомствоаралық өзара әрекеттесу тетіктері, ерте диагностика, кадр даярлау және жүйенің тұрақтылығы мәселелері талқыланды. Қатысушылар ерте араласудың ұзақ мерзімді әлеуметтік тәуекелдерді алдын алу үшін ең тиімді құралдардың бірі екенін және елдің адами капиталына жасалатын маңызды инвестиция екенін атап өтті.

2025–2027 жылдарға арналған «Сәтті бастау» жоспарын және 2026–2030 жылдарға арналған «Қазақстан балалары» тұжырымдамасын жүзеге асыру ерте балалық шақ саласындағы мемлекеттік саясатты дамытуда маңызды кезең болмақ, сондай-ақ ұлттық мәнмәтінді және отбасылардың қажеттіліктерін ескере отырып Қазақстанға халықаралық үздік тәжірибелерді жүйелі түрде енгізуге мүмкіндік береді.

Ерте балалық шақ – ел болашағының бастауы. Қазақстан бұл таңдауды саналы түрде және уақытында жасап отыр.