4 маусым – Қазақстан Республикасының Мемлекеттік рәміздері күні!

Мемлекеттік рәміздер – Тәуелсіздігіміздің тұғыры, елдігіміздің айғағы, ұлттың рухы мен бірлігінің белгісі.

Осы мерекеге орай Ұлттық балаларды оңалту орталығында тәрбиелік іс-шара ұйымдастырылып, балаларымыз Қазақстан Республикасының Туы, Елтаңбасы және Әнұраны туралы танымдық мәліметтермен танысты. Іс-шара барысында бүлдіршіндер мемлекеттік рәміздердің маңызы туралы білімдерін толықтырып, патриоттық рухты дәріптейтін түрлі белсенділіктерге қатысты.

Жас ұрпақтың бойына Отанға деген сүйіспеншілік пен құрмет сезімін қалыптастыру – баршамыздың ортақ міндетіміз.

Баршаңызды Қазақстан Республикасының Мемлекеттік рәміздері күнімен құттықтаймыз!

Мемлекеттік рәміздеріміз мәңгі жасасын!