2026 жылғы 23 маусымда Астана қаласындағы Ұлттық балаларды оңалту орталығында «Медицина мен қоғамның синергиясы: ерекше қажеттіліктері бар балаларды үздіксіз оңалту мен әлеуметтендіруге кешенді көзқарас» тақырыбында дөңгелек үстел өтті.

Іс-шараны Ұлттық балаларды оңалту орталығы ұйымдастырып, Zoom платформасы арқылы Орталықтың филиалдары – «Балбұлақ» республикалық балаларды оңалту орталығы» мен «ҰБОО» Қызылорда филиалы қатысты. Сондай-ақ дөңгелек үстелге «Мама Про» қоры және «Ерекше балалардың ата-аналар одағы» республикалық қоғамдық бірлестігінің өкілдері қатысты.

Кездесу барысында мемлекеттік медициналық ұйымдар мен үкіметтік емес сектор арасындағы өзара іс-қимылды кеңейту, сондай-ақ ерекше қажеттіліктері бар балалардың отбасыларына арналған практикалық қолдау тетіктерін дамыту мәселелері талқыланды. Қатысушылар Ұлттық балаларды оңалту орталығы базасында ата-аналарға арналған тегін шеберлік сабақтары, оқыту тренингтері мен ақпараттық кездесулер тұрақты өткізілетін ашық әлеуметтік-білім беру хабын құру бастамасын қарастырды.

Дөңгелек үстел қорытындысы бойынша ҰБОО, «Мама Про» қоры және «Ерекше балалардың ата-аналар одағы» РҚБ арасында ынтымақтастық туралы меморандумға қол қойылды.

Құжат аясында психологиялық қолдау көрсету, отбасыларды ақпараттық сүйемелдеу, бірлескен әлеуметтік зерттеулер жүргізу, сондай-ақ инклюзивті жобалар мен іс-шараларды бірлесіп жүзеге асыру жоспарлануда.

Бұл әріптестік Ұлттық балаларды оңалту орталығының, оның өңірлік филиалдарының және үкіметтік емес ұйымдардың күш-жігерін біріктіріп, ерекше қажеттіліктері бар балалар мен олардың отбасылары үшін кешенді оңалту жүйесінің қолжетімділігі мен тиімділігін одан әрі арттыруға мүмкіндік береді.