19 қыркүйекте Ұлттық балаларды оңалту орталығының қызметкерлері «Таза Қазақстан» экологиялық бағдарламасы аясында жалпыұлттық сенбілікке қатысты.

Медициналық қауымдастық өкілдері бірлесіп, елорданы абаттандыруға және жайлы қалалық орта құруға атсалысты.

Тұран даңғылы бойында Керей, Жәнібек хандар көшесінен Орынбор көшесіне дейін 300-ге жуық ағаш отырғызылды.

Таза және жасыл қалалық ортаның балалар мен болашақ ұрпақтың денсаулығы мен әл-ауқаты үшін маңызы зор. Біздің ұжым үшін бұл экологиялық бастама денсаулыққа қамқорлықтың медицина мекемесінің қабырғасында ғана емес, қолайлы қоршаған ортаны қалыптастырудан басталатынын айғақтайды.