Ұлттық балаларды оңалту орталығы» КеАҚ (бұдан әрі – ҰБОО) «ОҢАЛТУ» Оңалту орталықтары ұлттық қауымдастығы» заңды тұлғалар бірлестігімен бірлесе отырып, Дүниежүзілік денсаулық сақтау ұйымының «Оңалту 2030» жаһандық бастамасы аясында Қазақстан Республикасы Денсаулық сақтау министрлігінің қолдауымен өтетін «Балаларды оңалтудағы пәнаралық диалог» атты халықаралық ғылыми-практикалық конференцияға қатысуға шақырады. Конференция 2026 жылдың 28-29 мамыры күндері Астана қаласында (Қазақстан Республикасы) өтеді.

Конференцияның мақсаты – оңалту жүйелерін нығайтуға, оңалту көмегінің қолжетімділігін, сапасын және үздіксіздігін қамтамасыз етуге бағытталған Жаһандық бастаманың басымдықтары мен стратегиялық бағдарларын ескере отырып, балаларды кешенді оңалтудың заманауи тәсілдерін талқылау үшін түрлі бағыттағы мамандарды біріктіру.

Конференцияға мультипәндік команда мамандары – реабилитологтар, педиатрлар, неврологтар, жалпы практика дәрігерлері, эрготерапевтер, арнайы педагогтер, психологтар; денсаулық сақтау ұйымдарының басшылары мен менеджерлері; үкіметтік емес ұйымдардың өкілдері шақырылады.

Конференцияның негізгі бағыттары

Конференция аясында мынадай өзекті мәселелерді қарастыру жоспарланып отыр:

• ДДҰ-ның «Оңалту 2030» бастамасының қағидаттарын балаларды оңалту жүйесінде іске асыру;
• кешенді оңалту шеңберінде мамандардың (дәрігерлер, реабилитологтар, психологтар, педагогтер, логопедтер, эрготерапевтер) пәнаралық өзара іс-қимылы;
• ерте араласу және оңалту көмегінің сабақтастығы;
• балаларды оңалтуда роботтандырылған және цифрлық технологияларды енгізу;
• балаларды оңалтудағы дәлелді тәжірибелер мен инновациялық технологиялар;
• физикалық медицина мен ортездеудің заманауи тәсілдері;
• аутистік спектрі бұзылыстары бар балаларды медициналық, психологиялық-педагогикалық және әлеуметтік оңалтуды интеграциялау;
• балаларды оңалту жүйесіндегі мейіргерлік істің рөлі мен дамуы;
• кадрларды даярлау және кәсіби құзыреттерді дамыту.

Ұйымдастыру жарнасы

Конференция мен мастер-кластарға қатысатын барлық қатысушылар үшін ұйымдастыру жарнасы  - 10 000 (он мың) теңге.

Тіркеу және сертификаттар

Барлық қатысуға ниет білдірушілер келесі сілтеме бойынша алдын ала тіркеуден өтуі қажет: https://forms.yandex.ru/cloud/69b0f911e010db32fbfe45a2.

Конференция қорытындысы бойынша барлық тіркелген қатысушыларға ресми Certificate of Participation (Қатысушы сертификаты) сертификаты табысталады.

Өтетін күні және орны

• 2026 жылғы 28 мамыр – «Ұлттық балаларды оңалту орталығы» КЕАҚ базасында пленарлық отырыс және секциялық сессиялар (Астана қаласы, Тұран көшесі, 36).
• 2026 жылғы 29 мамыр – «Ұлттық балаларды оңалту орталығы» КЕАҚ базасында мастер-кластар (Астана қаласы, Тұран көшесі, 36).

Конференция жинағында тезистерді/мақалаларды жариялау мүмкіндігі қарастырылған. Материалдар белгіленген талаптарға сәйкес қабылданады (https://www.nccr.kz/index.php/kk/zhurnal).

Конференция туралы өзекті ақпарат келесі ресурстарда жарияланады:

• ҰБОО-ның ресми сайты: https://www.nccr.kz/
• Instagram әлеуметтік желісіндегі парақшасы: https://www.instagram.com/nccr.kz/

Іссапар шығындарын қатысушылардың негізгі жұмыс орны төлейтінін ескертеміз.

«БАЛАЛАРДЫ ОҢАЛТУДАҒЫ ПӘНАРАЛЫҚ ДИАЛОГ» ХАЛЫҚАРАЛЫҚ ҒЫЛЫМИ -ПРАКТИКАЛЫҚ КОНФЕРЕНЦИЯ БАҒДАРЛАМАСЫ