Ұлттық балаларды оңалту орталығы

Ұлттық балаларды оңалту орталығы Astana Tourism қолдауымен халықаралық медициналық қауымдастығы және медициналық туризм өкілдеріне арналған ақпараттық тур өткізді.

Ақпараттық турға Тәжікстан, Ресей, Швейцария, Қырғызстан және Әзербайжаннан келген мамандар — тәжірибелі дәрігерлер, медициналық ұйымдардың өкілдері, сондай-ақ денсаулық сақтау саласындағы сарапшылар мен инфлюенсерлер қатысты.

Ұлттық балаларды оңалту орталығы мейіргерлері Назарбаев Университеті ұйымдастырған мейіргерлік іс бойынша студенттік ғылыми зерттеулерге арналған I форумға қатысты. «Студенттердің дауысы, ұлттық ықпал: студенттік зерттеулер мен инновациялар арқылы Қазақстандағы мейіргерлік істі дамыту» тақырыбында өткен форум мейіргерлік саласындағы ғылыми ізденістер мен инновациялық бастамаларды қолдауға бағытталды.

Ұлттық балаларды оңалту орталығының мамандары Өзбекстан Республикасында өткен халықаралық ғылыми-практикалық конференцияға қатысып, балаларды оңалтудың заманауи бағыттары бойынша шетелдік әріптестерімен тәжірибе алмасты.

Ташкент мемлекеттік медициналық университетінде ұйымдастырылған ауқымды жиында орталық атынан Басқарма төрағасының мейіргер ісі жөніндегі орынбасары Райхан Тлеулинова мен «Бөбек» бөлімінің меңгерушісі Эльмира Жангозиева бой көрсетіп, медициналық оңалтудың инновациялық жолдарын саралады.

Кеше елордада балалар денсаулығын қорғаудың жаңа кезеңіне жол ашқан ауқымды халықаралық конференция өтті.

Дүниежүзілік денсаулық сақтау ұйымы мен ЮНИСЕФ қолдауымен ұйымдастырылған жиынға ДДҰ Бас директоры Тедрос Аданом Гебреисус, ДДҰ Еуропалық өңірлік бюросының директоры Ханс Генри Клюге және Орталық Азия елдерінің денсаулық сақтау министрлері қатысты.