Ұлттық балаларды оңалту орталығы

Астанада «Бурабай» шипажайының 115 жылдығына арналған X мерейтойлық «Шипажай-2025» халықаралық ғылыми-практикалық форумы өтті. Форумға курортология және медициналық оңалту саласының мамандары, соның ішінде біздің орталықтың мамандары да қатысып, жаңа тәсілдер мен технологиялармен танысты.

ҰБОО төрағасы Ажар Ғинияттың жеке шақыруымен форум делегациясы орталығымызға арнайы келді. Ажар Ғиният қонақтарды қарсы алып, орталықтың жұмыс бағыттары, бірегей бағдарламалары мен балаларды оңалтудағы заманауи әдістері жайлы айтып, арнайы экскурсия жүргізді.

Астанада «Бурабай» шипажайының 115 жылдығына арналған «Шипажай-2025» X мерейтойлық Халықаралық ғылыми-практикалық форумы өтті. Іс-шараға Қазақстан, Қытай, Германия, Ресей, Беларусь, Әзербайжан, Тәжікстан, Өзбекстан және Қырғызстаннан шипажай және медициналық оңалту саласының өкілдері жиналды.

Ұлттық балаларды оңалту орталығының өкілдері форумға қатысып, курортология, оңалту, климатотерапия, медициналық жабдық, арнайы тамақтану және IT-шешімдер саласындағы жаңа тәсілдер мен технологиялармен танысты.

 Форум аясында Ұлттық балаларды оңалту орталығының Басқарма төрағасы Ажар Ғиният құттықтау сөз сөйлеп, қатысушыларға жемісті жұмыс және табысты ынтымақтастық тіледі.

2025 жылғы 31 шілдеде Ұлттық балаларды оңалту орталығында «Үміт әрдайым жанымызда» атты қысқаметражды анимациялық фильмнің жабық көрсетілімі өтті. Бұл - ерекше қажеттіліктері бар балаларға деген шынайы сүйіспеншілікпен жасалған ерекше жоба. Фильм Ұлттық киноны қолдау орталығының Басқарма төрағасы Құрманбек Жұмағалидің бастамасымен Орталыққа тарту етіліп, енді орталық қабырғасында ем алатын балаларға үміт пен арманның маңызын еске салып отыратын маңызды құралға айналмақ.

«Ұлттық балаларды оңалту орталығы» коммерциялық емес акционерлік қоғамы «Медициналық оңалту» (балалар) бағыты бойынша республикалық деңгейде үйлестіру қызметін жүзеге асырады.

Қазақстан Республикасы Денсаулық сақтау министрлігінің 2023 жылғы 1 наурыздағы №131 бұйрығын («Өңірлік медициналық ұйымдарға ұйымдастырушылық-әдістемелік көмек көрсетудің кейбір мәселелері туралы») орындау аясында 2025 жылдың бірінші жартыжылдығында ҰБОO-ның бейінді мамандары – ФМО дәрігерлері (реабилитологтар), невропатологтар, түзету-әдістеме бөлімнің психологтары – Жамбыл, Атырау, Солтүстік Қазақстан, Батыс Қазақстан, Түркістан, Ақмола, Шығыс Қазақстан, Абай, Қызылорда облыстары мен Шымкент қаласының медициналық ұйымдарына ұйымдастыру-әдістемелік көмек көрсетті.

Ұйымдастыру-әдістемелік көмек шеңберінде бейінді мамандар сала бойынша нормативтік құқықтық актілерді, соның ішінде Қазақстан Республикасы Денсаулық сақтау министрінің 2023 жылғы 7 сәуірдегі №65 бұйрығына  («Медициналық оңалту көрсетуді ұйымдастыру стандартын бекіту туралы») енгізілген өзгерістер мен толықтыруларды талқылады.

2025 жылға арналған іс-шаралар жоспарына «Оңалту көмегін көрсететін мамандарын оқыту, оның ішінде медициналық оңалтуда тіршілік әрекеті мен денсаулықтың жұмыс істеуінің, шектелулерінің халықаралық сыныптамасы (ЖХС) қолдану» тармағы енгізілді. Осыған орай өңірлерде бейінді мамандар ХЖС-ны практикада қолдану бойынша кіріспе дәрістер өткізді.