Ұлттық балаларды оңалту орталығы

Назарбаев Университетінде Қазақстан Республикасы күніне арналған салтанатты іс-шара өтті. Іс-шара барысында Қазақстан Республикасының Денсаулық сақтау министрі Ақмарал Әлназарова денсаулық сақтау жүйесінің дамуына қосқан зор үлесі, кәсіби адалдығы мен еңбегі үшін сала қызметкерлеріне мемлекеттік және ведомстволық наградалар табыстады.

Осы орайда «Шапағат» медалімен Шакенов Мейрам Жамбылұлы — жоғары санатты невролог, медицина ғылымдарының кандидаты, PhD, реабилитолог, «Ұлттық балаларды оңалту орталығы» КЕАҚ стратегиялық даму және маркетинг бөлімінің басшысы марапатталды.

Бұл жоғары марапат Мейрам Жамбылұлының көпжылдық жемісті еңбегінің, жоғары кәсіби шеберлігінің және Қазақстандағы балаларды оңалту мен денсаулық сақтау саласын дамытуға қосқан зор үлесінің айғағы болып табылады.

лттық балаларды оңалту орталығының ұжымы Мейрам Жамбылұлын шын жүректен құттықтайды! Сізге зор денсаулық, жаңа кәсіби табыстар мен шабыт тілейміз. Балалардың игілігі мен еліміздің денсаулық сақтау жүйесінің дамуына қосқан үлесіңіз — бәріміз үшін үлкен мақтаныш!

Республика күні мерекесіне орай Қазақстан Республикасы Денсаулық сақтау министрлігінің шақыруымен Атырау облысының әртүрлі медициналық ұйымдарының қызметкерлері елордаға сапармен келді.

Қонақтарды «Ұлттық балаларды оңалту орталығының» ұжымы қарсы алып, орналастыру жұмыстарын ұйымдастырды. Орталық қызметкерлері делегацияны Республика күніне арналған салтанатты іс-шараға және мерекелік түскі асқа алып барды.

Салтанатты жиыннан кейін орталықта экскурсия өткізілді. Қонақтарға оңалту үдерісінде қолданылатын заманауи тәсілдер мен инновациялық жобалар таныстырылды. Бұдан соң делегация мүшелері елорданың мәдени және тарихи нысандарына шағын танымдық экскурсияға шықты.

Бұл күн – еліміздің тәуелсіздік жолындағы маңызды белес, бірлігіміз бен ортақ құндылықтарымыздың мерекесі.

Осы айтулы күн аясында өз қызметінде сапалы әрі үлгілі еңбек етіп, денсаулық сақтау саласының дамуына зор үлес қосқан бірқатар әріптестеріміз мемлекеттік және ведомстволық марапаттарға ие болды.

Марапат иелері қатарында:

2025 жылдың 13 қазанында Астана қаласындағы Президенттік орталықта «Қазақстан Республикасындағы медициналық туризмді дамыту: болашағы мен мүмкіндіктері» атты халықаралық конференция өтті. Іс-шарада Қазақстанның жетекші клиникаларының басшылары, сарапшылар, практик мамандар және халықаралық медициналық және туристік қауымдастық өкілдері бас қосты.

Конференция баяндамашыларының қатарында Ұлттық балаларды оңалту орталығының басқарушы директоры Сая Амангелдіқызы да сөз сөйлеп, «Балаларды оңалту қызметін ілгерілету. Ерекшелігі және қиындықтар» тақырыбында баяндама жасады.