87085036573
Тіркеу бөлімі
87172511555, 87172511612
Тіркеу бөлімі
Тұран даңғылы, 36
Астана қаласы
Ұлттық балаларды оңалту орталығына Бельгия Корольдігінің Қазақстандағы Төтенше және Өкілетті Елшісі Эрик де Майер және Елші орынбасары Антуан Бинамэ ресми сапармен келді.
Құрметті қонақтарды орталықтың Басқарма төрағасы Ажар Ғиният өзі қарсы алып, орталықтың негізгі қызмет бағыттарымен, оңалту бағдарламаларымен және балаларға көрсетілетін кешенді көмектің ерекшеліктерімен таныстырды.
Сапар барысында Елші орталықта атқарылып жатқан жұмыстың жоғары деңгейде ұйымдастырылғанын атап өтіп, көрсетіліп отырған қызметтердің сапасын ерекше назарға алды. Сондай-ақ ол бұл бастамалардың барлығы ерекше балаларға деген шынайы жанашырлық пен жауапкершіліктің айқын көрінісі екенін айтып, Ажар Ғинияттың еңбегіне жоғары баға берді.
Кездесу қорытындысында тараптар алдағы уақытта өзара ынтымақтастықты дамытуға дайын екендерін жеткізді. Өз кезегінде Ажар Ғиният Бельгия Корольдігінің өкілдерін орталық ұйымдастыратын алдағы халықаралық конференцияға қатысуға шақырды.
Толығырақ...
Ұлттық балаларды оңалту орталығында референдум мәселелері бойынша түсіндіру жұмыстары жүргізілді
- Қаралды: 123
Ұлттық балаларды оңалту орталығында «Аманат» партиясының «Есіл» аумақтық филиалы спикерлерінің қатысуымен кездесу өтті.
Шараның негізгі мақсаты – «Жаңа Конституция» жобасы бойынша алдағы республикалық референдумның күн тәртібін түсіндіру болды.
Кездесу барысында спикерлер Конституция жобасының негізгі ережелерін таныстырып, азаматтардың құқықтық сауаттылығын арттыру мәселелеріне тоқталды. Сондай-ақ сайлау процесінің ашықтығы мен жариялылығын қамтамасыз етуге бағытталған ұйымдастырушылық және ақпараттық-түсіндіру шаралары туралы мәлімет берілді.
Жиын соңында 15 наурызда өтетін дауыс беру тәртібі мен референдумды өткізуге қажетті ұйымдастырушылық қолдау көрсету шаралары туралы ақпарат ұсынылды.
2026 жылғы 2 наурызда «Мүмкіндіктер уақыты» жобасы аясында «Дара» қорының ұйымдастыруымен және Chevron компаниясының қолдауымен қорытынды кездесу өтті.
Шара балаларға ерте қолдау көрсету жүйесін дамыту және ведомствоаралық өзара іс-қимыл мәселелеріне арналды.
Жиынға мемлекеттік органдардың, білім беру және әлеуметтік қорғау ұйымдарының өкілдері, өңірлік ерте қолдау қызметтерінің басшылары, сондай-ақ жоба серіктестері қатысты.
Талқылау барысында бастаманы іске асыру қорытындылары, өңірлік тәжірибелер және ерте көмек көрсетуді дамытудың стратегиялық бағыттары қаралды.
Астана қаласында балаларды вакцинациялау саласындағы өзекті мәселелерге арналған дөңгелек үстел өтті. Елордалық Қоғамдық денсаулық сақтау басқармасы ұйымдастырған іс-шара «Вакцинация арқылы болашақ ұрпақты қорғай аламыз» тақырыбы аясында және қаланың 2026–2028 жылдарға арналған даму жоспары шеңберінде ұйымдастырылды.
Петра Магерль – Австралиядан шыққан, эрготерапия саласында халықаралық деңгейде танылған сарапшы. Ол жаһандық кәсіби стандарттарды, білім беру бағдарламаларын және медициналық оңалту көмегін дамыту стратегияларын әзірлеуге белсенді түрде қатысып келеді. Оның кәсіби қызметі эрготерапияның заманауи медициналық оңалтудың негізгі бағыттарының бірі ретіндегі маңызын арттыруға бағытталған.
Сапар аясында Петра Магерль үш күн бойы орталықтағы эрготерапия қызметінің жұмысымен танысып, мамандардың практикалық қызметін бақылап, кәсіби пікір алмасты.
Алдағы кезеңде тараптар арасында ынтымақтастық орнату, мамандарды оқыту, тәжірибе алмасу және кәсіби әлеуетті арттыру бағытында бірлескен жұмыс жүргізу жоспарлануда. Бұл бастамалар ерекше балаларға көрсетілетін оңалту көмегінің сапасын арттыруға бағытталған.
