Ұлттық балаларды оңалту орталығында балалардың тамақтануын скринингтеу бойынша халықаралық жоба іске асырылуда
- Қаралды: 221
31 наурыз 2026 жылы Орталығымызда Назарбаев Университетімен бірлескен жоба аясында балалардың тамақтануын скринингтеу тәжірибесін зерделеуге арналған кездесу өтті. Іс-шараға PhD, қауымдастырылған профессор Paolo Colet қатысып, орталықтың мейіргерлерімен кәсіби пікір алмасты.
Кездесу барысында Орталықтың мейіргерлері алғашқы мейіргерлік тексеру кезінде қолданылып жүрген тамақтану скринингі тәжірибесін таныстырды. Өз кезегінде, профессорға бұл әдісті халықаралық деңгейде валидацияланған скринингтік сауалнамалармен салыстырып, жетілдіру және толықтыру ұсынылды.
Жоба аясындағы жұмыс кезең-кезеңімен жүзеге асырылады. 2026 жылдың сәуір айында сауалнаманы әзірлеу және бейімдеу жұмыстары жүргізіледі. Мамыр айында жоба Жергілікті биоэтика комиссиясының қарауына ұсынылады.
Зерттеуге қатысатын негізгі топтар: 5–7 жас аралығындағы балалар, 7–12 жас аралығындағы балалар, сондай-ақ 12–18 жас аралығындағы жасөспірімдер.
Толығырақ...
Ұлттық балаларды оңалту орталығында Наурыз мейрамына орай қызметкерлер арасында мерекелік спартакиада өтті.
Қатысушылар ұлттық спорт түрлері бойынша бақ сынасып, жоғары физикалық дайындықтарын, командалық бірлігін және шынайы спорттық жігерін көрсетті. Жарыстар жылы әрі достық атмосферада өтіп, орталық ұжымын одан әрі біріктіре түсті.
Мұндай іс-шаралар ұжымдық рухты нығайтып, командалық өзара іс-қимылды дамытып, жағымды жұмыс ортасын қалыптастыруға ықпал етеді. Спартакиада қызметкерлерге көтеріңкі көңіл күй сыйлап, сергектік пен қуатқа толы, көктемнің жарқын әрі есте қаларлық сәтіне айналды.
Рамазандағы жылу: қызметкерлерге ауызашар таратылды
- Қаралды: 197
Қасиетті Рамазан айында «Зекет және қайырымдылық» қоры Ұлттық балаларды оңалту орталығының қызметкерлеріне 310 ауызашар боксын табыстады.
Бұған дейін қор орталығымызда ем алып жатқан науқас балалардың ата-аналарына арналған 95 ауызашар себетін ұсынған болатын. Бұл игі бастама – қайырымдылық пен қолдаудың жарқын көрінісі.
Қасиетті айда жасалған әрбір жақсылық жүректерге жылу сыйлап, бірлік пен мейірімділікті арттыра берсін.
«Зекет және қайырымдылық» қорына көрсеткен қолдауы үшін шынайы алғысымызды білдіреміз. Алла разы болсын!
8 наурыз – Халықаралық әйелдер күні қарсаңында Ұлттық балаларды оңалту орталығының дәрігері Үмітжан Шайсұлтанқызы Әбдірахманова Қазақстан Республикасы Денсаулық сақтау министрінің бұйрығымен «Денсаулық сақтау ісінің үздігі» төсбелгісімен марапатталды.
Бұл марапат – медицина саласының дамуына қосқан елеулі үлесі, көпжылдық адал еңбегі мен кәсіби шеберлігі үшін берілген жоғары ведомстволық награда.
Ұлттық балаларды оңалту орталығына Бельгия Корольдігінің Қазақстандағы Төтенше және Өкілетті Елшісі Эрик де Майер және Елші орынбасары Антуан Бинамэ ресми сапармен келді.
Құрметті қонақтарды орталықтың Басқарма төрағасы Ажар Ғиният өзі қарсы алып, орталықтың негізгі қызмет бағыттарымен, оңалту бағдарламаларымен және балаларға көрсетілетін кешенді көмектің ерекшеліктерімен таныстырды.
Сапар барысында Елші орталықта атқарылып жатқан жұмыстың жоғары деңгейде ұйымдастырылғанын атап өтіп, көрсетіліп отырған қызметтердің сапасын ерекше назарға алды. Сондай-ақ ол бұл бастамалардың барлығы ерекше балаларға деген шынайы жанашырлық пен жауапкершіліктің айқын көрінісі екенін айтып, Ажар Ғинияттың еңбегіне жоғары баға берді.
Кездесу қорытындысында тараптар алдағы уақытта өзара ынтымақтастықты дамытуға дайын екендерін жеткізді. Өз кезегінде Ажар Ғиният Бельгия Корольдігінің өкілдерін орталық ұйымдастыратын алдағы халықаралық конференцияға қатысуға шақырды.
